Në tempullin e serbëve, Daja: Presioni është mbi ta
Në një mobilizim jo të zakonshëm të forcave të sigurisë dhe me praninë e shtuar të agjentëve për një ndeshje futbolli, Skënderbeu preku tokën serbe në vigjiljen e sfidës së Europa League.
“Ngarkesa dhe presioni kalon te kundërshtari, sepse kërkon të fitojë patjetër. Duhet të bëjmë lojën tonë si në kualifikuese, si në grup. E njohim forcën e Partizanit dhe është një ekip i vështirë, por jo një sipërmarrje e pamundur për ne”, tha Ilir Daja, trajner i Skënderbeut.
Skuadra e vetme shqiptare e mbetur në kupat e Europës do të luajë në një stadium, që është pak të konsiderohet “armiqësor”.
“Ajo që ndryshon është përshtatja e ekipit kundërshtar, pasi luajnë në shtëpinë e tyre, e përballojmë me qetësi dhe taktikë”, deklaroi më tej Ilir Daja, trajneri i Skënderbeut.
Skënderbeu dhe Partizani i Beogradit kanë nga 2 pikë secili në grupin B, me mundësi reale kualifikimi, kur është luajtur vetëm gjysma e ndeshjeve në grup.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.