Një vit para skadimit, Foden dhe Manchester City arrijnë marrëveshje. Gati rinovimi 5-vjeçar

Phil Foden ka arritur një marrëveshje paraprake për rinovimin e kontratës me Manchester City. Sipas BBC, lojtari do të firmosë një kontratë të re 5-vjeçare. Lajmi vjen vetëm një vit (dhe dy muaj) para skadimit të kontratës aktuale, e cila është e vlefshme deri më 30 qershor 2027.

Ky është një lajm i mirë për klubin, pasi nuk rrezikon ta humbasë lojtarin e lindur në vitin 2000 për një çmim të ulët apo me parametër zero. Marrëveshja e re do ta lidhë atë me Manchester City deri më 30 qershor 2030, me opsion edhe një vit shtesë.

Pavarësisht se mesfushori ka pasur vështirësi në formë dhe nuk ka shënuar gol që nga 14 dhjetori, klubi vazhdon të ketë besim të madh te talenti i tij. Së fundmi kishte edhe interes për të nga klube si Atlético Madridi dhe Bayern Munich.

Ndërkohë, Foden synon të sigurojë vend në kombëtaren e Anglisë të drejtuar nga Tuchel për Botërorin që zhvillohet në verë në SHBA, Kanada dhe Meksikë. Tuchel kishte deklaruar më herët se vendi i tij në listën prej 24 lojtarësh nuk ishte i garantuar.