Operacioni “Final”: Arrestohen dy persona të shpallur në kërkim, njëri me kokainë

Më 22 prill, gjatë operacionit të koduar “Final” të zhvilluar nga Seksioni për Hetimin e Narkotikëve, pas tre muajsh hetime nën drejtimin e Prokurorisë, u kryen kontrolle për kapjen e dy personave të shpallur në kërkim.

Si rezultat i operacionit u arrestuan shtetasit R. S., 29 vjeç, dhe R. K., 39 vjeç, të dy banues në Tiranë. Gjykata e Tiranës ka vendosur masën e sigurisë “Arrest në burg” për të dy personat, për shkak të veprës penale “Prodhimi dhe shitja e narkotikëve”.

Gjatë ndalimit, tek 29-vjeçari u gjet dhe u sekuestrua një sasi lënde e dyshuar narkotike kokainë, e cila është marrë si provë materiale.

Materialet e ndjekjes penale janë referuar Prokurorisë për veprime të mëtejshme ligjore.