Opozita i jep kohë Gruevskit vetëm edhe një ditë
Zaev, Ahmeti dhe Thaçi sot e pritën Gruevskin për ta mbajtur takimin e liderëve. Gruevski nuk është paraqitur për të caktuar mbledhjen, thuan burimet e Libertas. “Zaevi na luti që t`ia përcjellim porosinë Gruevskit se vetëm edhe nesër e presin në takim në të cilën Gruevski do të tregoj nëse e pranon propozimin e tyre të fundit ose jo”, deklaruan diplomatët e përfshirë në bisedime, transmeton zhurnal.mk
Sipas tyre, lideri i opozitës ka thënë se nuk do të presin më që Gruevski të mendoj se koha është duke punuar për të.
Zaev dhe Gruevski të enjten në mbrëmje u takuan dy herë dhe ka ngelur që lideri i VMRO-DPMNE-së të mendoj nëse do të arrijnë marrëveshje dhe të kanë takim liderësh sot.
Gruevski sot nuk e mbajti fjalën, ndërsa gjatë vikendit ashtu si edhe në ditët tjera ai e shfrytëzoi kohën në kampanjë, hapjen e rrugëve, dhënien e deklaratave për shlyerjen e borxheve e të ngjashme. Ai publikisht tha se është për marrëveshje, por ajo marrëveshje të jetë “pranueshme”.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.