Pajisje të reja të Forcave Ajrore të Kinës në Ekspozitën e Zhuhait

Në Ekspozitën e 11-të “Aviacioni dhe Hapësira Kozmike Ndërkombëtare”, që do të hapet të martën, më 1 nendor,  në qytetin Zhuhai të Kinës do të prezantohen pajisje moderne të Forcave Ajrore Kineze. Avioni luftarak i prodhimit kinez J-20 do të prezantohet për herë të parë në ekspozitën 6 ditore, krahas tankeve të brezit të tretë dhe një sistemi të ri radarësh.

Një tjetër avion bombardues i tipit H-6K, avioni luftarak J-10B dhe KJ-500 do të jenë pjesë e ekspozitës. Mësohet se ekipi aerobatik i Forcave Ajrore të Kinës “Bayi” ka nisur provat për shfaqjen e fluturimit gjatë ekspozitës së Zhuhait.

Kryepiloti Wang Hongyan tha se janë të mirëpërgatitur për këtë shfaqje publike.

“Kemi mbajtur në gjendje të mirë teknike avionët dhe pajisjet e tjera gjatë këtyre ditëve. Jemi përgatitur me përkushtim që çdo element i shfaqjes ajrore të jetë në nivel të lartë”, tha Wang.

Ekipi kinez i fluturimit “Bayi” do të japë shfaqje në Ekspozitën e Zhuhait bashkë me ekipet nga Britania, Rusia dhe Pakistani.