Pamja e parë e Aslan-it në filmin “Narnia” të Greta Gerwig: Meryl Streep i jep zë luanit mitik

Revista Empire ka zbuluar pamjen e parë botërore të Aslan-it, luanit mitik në zemër të sagës së C.S. Lewis, në filmin e ri “Narnia: The Magician’s Nephew” të regjisores Greta Gerwig. Imazhi ekskluziv u publikua në kopertinën e numrit të nëntorit 2026 të revistës, sipas lajmit të konfirmuar edhe nga ComingSoon.net.

Aslan-in do ta dublëjë fituesja e trefishtë e çmimit Oscar, Meryl Streep. Gerwig i tha revistës Empire se zgjodhi Streep-in sepse kërkonte dikë “të thellë, por jo pretencioz, me peshë, por pa vetërëndësi të zymtë… mbi 70 vjeç, me mençurinë e përvojës, por edhe me habinë e freskët si një fëmijë… dhe një nga aktorët më të mëdhenj që ka ekzistuar ndonjëherë”.

Pamja e parë tregon një Aslan imponues me sy heterokromatikë — njëri kaltëroshe, tjetri me nuancë portokalli — dhe vija të kuqe të theksuara në fytyrë, një stil i frymëzuar nga ikona e muzikës David Bowie.

Në kastë janë gjithashtu Daniel Craig, Emma Mackey, Ciarán Hinds, Denise Gough, David McKenna dhe Beatrice Campbell. Filmi është përshtatja e parë kinematografike e romanit “The Magician’s Nephew” dhe rrëfen krijimin e botës së Narnias.

Numri i ri i revistës Empire del në treg më 24 shtator 2026. Filmi “Narnia: The Magician’s Nephew” del në kinema më 12 shkurt 2027 dhe në platformën Netflix më 2 prill 2027.

Burimi: ComingSoon.net