Paralajmërohen sërish protesta në Maqedoni: Lironi djemtë tanë

Paralajmërohen sërish protesta masivë në të gjitha qytetet shqiptare në Maqedoni, për të shprehur revoltën dhe kundërshtinë ndaj dënimit me burg të përjetshëm për 6 shqiptarë për vrasjen e 5 shqiptarëve dy vjet më parë në procesin “Monstra” që sipas tyre nuk ka pasur prova.
 
…
“Nuk do të ndalemi deri sa të lirohen djemtë tanë”. Me këtë kërkesë janë bërë thirrjet për protesta edhe ditën e sotme në rrugët e Shkupit. Por jo vetëm kaq. Protesta janë paralajmëruar çdo ditë deri sa të lirohen nga burgu 6 shqiptarët e dënuar me burgim të përjetshëm. Ky njoftim i cili po qarkullon dhe shpërndahet ende në rrjetet sociale tregon qartë se protetsuesit janë të vendosur t’i shkojnë deri në fund qëllimit të tyre.
 
Organizatorët e protestave, ende të panjohur kanë hartuar një tabelë me orën dhe vendin ku pritet të mblidhen protestuesit.
 
Kështu, në orën 14:00 pritet të ketë nota protetse në disa qytete njëkohësisht, në Çairçanja të Shkupit, në sheshin “Iliria” në Tetovë, në qendër të Gostivarit, tek sheshi “Skënderbej” në Dibër dhe në sheshin e qytetit të Strugës.
 
Kjo është dita e katërt e protestave që morën shkas nga dënimi me burgim të përjetshëm të 6 të akuzuarve për rastin “Monstra” në Maqedoni”.
 
Dhjetëra protestues dolën në Shkup, Tetovë, Gostivar, madje gjatë së Dielës prostesta pati edhe në Dibër, ku situata u përshkallëzua në përleshje të dhunshme fizike mes forcave të policisë dhe turmës. Gaz lotsjellës u përdor ndaj tyre, ndërsa nga përplasjet mbetën të plagosur ndër radhët e protestuesve, por edhe uniformat blu.