Pep: Tani titulli nuk është më në duart tona, por do të vazhdojmë të luftojmë derisa të mbarojë

Trajneri i Manchester City, Pep Guardiola, u zotua se skuadra e tij do të vazhdojë të luftojë për titullin në Premier League deri në fund.

Skuadra e “citizens” humbi dy pikë ndaj rivalëve të Arsenal pas barazimit 3-3 në fushën e Everton dhe tashmë ata shpresojnë në ndonjë hap fals të “topçinjve”.

Guardiola vlerësoi shpirtin e skuadrës së tij për t’u rikuperuar dhe për të shpëtuar një pikë, por rezultati i jep Arsenal avantazhin në garën për titull.

“Për fat të keq, tani titulli nuk është më në duart tona. Më parë ishte në duart tona, por tani jo më”, deklaroi trajneri spanjoll, që përgatitet për sfidën e radhës në Premier ndaj Brentford.

“Ne duhet të fitojmë katër ndeshje e radhës që kemi ende shpresë për titullin në Premier League. Duke nisur nga ajo kundër Brentford, më pas të shohim se çfarë do të ndodhë“, deklaroi Pep Guardiola.