Piloti që shpëtoi 155 jetë dhe bëri histori në Hudson, diagnostikohet me Alzheimer

Piloti heroik që arriti të ulte në mënyrë të sigurt një Airbus me të paktën 150 pasagjerë në bord, i cili kishte humbur të dy motorët, në lumin Hudson në Nju Jork, është diagnostikuar me sëmundjen e Alzheimerit.

Chesley “Sully” Sullenberger njoftoi në faqen e tij personale të internetit se ishte diagnostikuar me sëmundjen, e cila është në fazat e saj të hershme.

“Për momentin, kjo do të thotë që mund të mos jem në gjendje të kujtoj një emër lehtë, të harroj një histori që sapo tregova ose të mos fle mirë, por jam në fillim të këtij udhëtimi të gjatë”, shkroi ai.

Më 15 janar 2009, avioni i fluturimit 1549 i US Airways u përplas në lumin Hudson pasi Airbus humbi të dy motorët për shkak të një përplasjeje me një tufë patash të egra menjëherë pas ngritjes. Të 155 personat në bord u shpëtuan nga trupi i avionit lundrues.

Përvoja, reflekset e shpejta dhe qetësia e Sallenbergerit u konsideruan thelbësore në parandalimin e një tragjedie ajrore.

Ish-piloti i Forcave Ajrore Amerikane, me origjinë nga Kalifornia, tha në një postim në faqen e tij të internetit të martën se diagnoza e Alzheimerit “e vuri në pikëpyetje kuptimin e shërbimit” dhe se ai arriti në përfundimin se “zgjidhja është të flasim hapur” për sëmundjen.

“Gjatë viteve, kur njerëzit më pyesnin për rezultatin e suksesshëm të Fluturimit 1549, unë thoja se ‘guximi mund të jetë ngjitës’, dhe atë ditë i ndihmoi të gjithë të bashkoheshin për të nxjerrë me sukses pasagjerët e tjerë nga avioni “, shkroi Sullenberger.

“Tani na duhet ajo guxim për të luftuar këtë sëmundje. Tani unë i përkas një komuniteti më të gjerë me shumë prej jush, dhe të gjithë do të tregojmë guxim së bashku”, vijoji më tej ai.

Sullenberger kishte 40 vjet përvojë fluturimi përpara Fluturimit 1549. Ai u tërhoq nga detyra aktive si pilot një vit më vonë, në vitin 2010, dhe vazhdon të mbrojë sigurinë e aviacionit.

Në vitin 2016, ulja historike e detyruar u soll në ekranin e madh në një film të titulluar “Sully” me protagonist Tom Hanks.