Presidentja e Meksikës heziton për planin për të shkurtuar vitin shkollor me 40 ditë për Kupën e Botës

Presidentja e Meksikës, Claudia Sheinbaum këtë të premte ka shprehur hezitimin e saj lidhur me njoftim e ministres së arsimit se pushimet shkollore do të fillojnë më shumë se një muaj më herët se sa ishte planifikuar për shkak të vapës dhe Kupës së Botës. Sheinbaum theksoi se propozimi nuk ishte ende përfundimtar.

“Shumë meksikanë e duan futbollin, ne mezi presim Kupën e Botës, kështu që ky propozim u bë për të afruar festat, por duhet të marrim parasysh edhe ditët e shkollës së fëmijëve”, u tha Sheinbaum gazetarëve, duke shtuar se nuk ka ende një afat kohor të caktuar për reduktimin e propozuar të kalendarit akademik.

Njoftimi për shkurtimin e vitit shkollor u bë në një postim në X, të enjten nga Sekretari i Arsimit Mario Delgado, i cili tha se Këshilli Kombëtar i Autoriteteve Arsimore mori vendimin në përgjigje të një vale të nxehtë në vend, si dhe të organizimit të Kupës së Botës.

“Do të sigurohet që të gjitha dispozitat e kurrikulës të përmbushen dhe që të ruhet progresi akademik i të gjithë studentëve”, shkroi Delgado, pa dhënë detaje se si do të arrihej kjo.

Sipas orarit të propozuar, viti akademik do të përfundonte më 5 qershor në vend të 15 korrikut. Shkollat ​​do ta fillonin vitin e ri akademik më 31 gusht, një ditë më herët se në vitin 2025.

Mexico City, Monterrey dhe Guadalajara do të presin gjithsej 13 ndeshje të Kupës së Botës në qershor dhe korrik. Mbyllja e shkollave mund të lehtësojë trafikun dhe mbingarkesën në këto qytete për qindra mijëra turistë që pritet të vizitojnë vendin.