Protestuesit marshojnë në rrugët e Tiranës, thirrje për dorëheqjen e Ramës
Pas moslejimit në Bulevardin “Dëshmorët e Kombit”, qytetarët marshuan në rrugët e kryeqytetit, ndërsa automjetet u binin borive në shenjë mbështetjeje.
Protestuesit kanë vijuar marshimin në rrugët e Tiranës mbrëmjen e 19 nëntorit, siç njofton BalkanWeb. Ata marshojnë në rrugët e kryeqytetit, pasi nuk u lejuan të protestojnë në Bulevardin “Dëshmorët e Kombit”.
Protestuesit bëjnë thirrje për dorëheqjen e kryeministrit Edi Rama. Qytetarët marshojnë mes për mes, ndërsa automjetet u bien borive në shenjë mbështetjeje, sipas njoftimit.
Sipas protestuesve, protesta është legjitime, por nuk lejohet nga ana e policisë. Efektivët po zbatojnë aktin normativ të qeverisë, që qytetarët e konsiderojnë të paligjshëm.



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.