PS feston 35-vjetorin në Tiranë, Rama takim me socialistët

Partia Socialiste shënon 35-vjetorin e themelimit me një aktivitet në Tiranë, ku kryeministri Edi Rama zhvilloi këtë të martë, 2 qershor, një takim me mbështetës dhe anëtarë të saj.

Në fokus të këtij përvjetori janë arritjet ndër vite dhe mesazhet politike për të ardhmen e forcës socialiste.

“Një nga arsyet e fitoreve të PS është aftësia për t’u hapur dhe kjo aftësi buron në kohë. Është një nga ato shënimet në AND-në e PS, që në fillimet e saj. PS nuk doli si produkt i një krenarie për atë që linte pas. PS doli si produkt i një reflektimi për atë që vinte përpara.

Për këtë arsye asnjë parti tjetër e krijuar në Shqipëri, as partitë më të reja nuk e kanë dot atë që ka PS në AND-në e vet, sensin e të parti të vetvetes gjithmonë me një ndjenjë përgjegjësi dhe ndjenjë respekti ndaj të tjerëve. PS vendosi një raport me të shkuarën, i cili është raporti më i ekuilibruar që mund të gjesh me veten.

Siç thashë PS nuk lindi si një moment refuzimi për të pranuar, se kishte diçka shumë të madhe që nuk shkonte me të. PS e ndau që në fillim diktaturën dhe me të shkuarën dhe luftën nacionale. PS është e vetmja që nuk është lëkundur në antifashizëm, madje është parti më antikomuniste në Shqipëri nga ana ideologjike. Është një parti antifashiste dhe antikomuniste”, tha Rama.

Lajmi në përditësim…

/tvklan.al