Pushuesi nga Kosova humb jetën në plazhin e Velipojës! I moshuari u ndje keq sapo u fut në ujë, ja për çfarë dyshohet

Një ngjarje e rëndë ka ndodhur sot (7 shtator) në plazhin e Velipojës, ku një pushues 70-vjeçar ka humbur jetën.

Viktima është identifikuar si shtetasi Seladin Bytyqi, shqiptar nga Kosova, i cili dyshohet se ka pësuar një atak kardiak menjëherë pas kontaktit me ujin e detit.

Pas përkeqësimit të menjëhershëm të gjendjes së tij shëndetësore, pushuesit e pranishëm në zonë dhe shërbimi i urgjencës mjekësore të Velipojës kanë reaguar pa vonesë duke i dhënë ndihmën e parë.

Pavarësisht përpjekjeve të shpejta të mjekëve dhe personave të pranishëm për ta mbajtur në jetë, 70-vjeçari nuk ka mundur të mbijetojë.

Grupi hetimor ka nisur procedurat për zbardhjen e plotë të rrethanave dhe konfirmimin mjekësor të shkakut të vdekjes së të moshuarit.