“Qava për javë të tëra” – Millie Bobby Brown flet për fundin e “Stranger Things”

Millie Bobby Brown ka folur hapur për emocionet e forta që përjetoi pas përfundimit të xhirimeve të serialit të famshëm “Stranger Things”, duke pranuar se kaloi një periudhë të vështirë pasi i dha lamtumirën personazhit që e bëri të njohur në mbarë botën.

Gjatë një interviste në New York, aktorja 22-vjeçare tregoi se reagimi i saj pas finales së serialit ishte shumë më i fortë nga sa e kishte imagjinuar.

“Qava pothuajse gjatë gjithë muajit janar. Ishte shumë e vështirë për mua. Nuk e prisja një reagim të tillë, sepse zakonisht jam një person shumë pozitiv,” u shpreh ajo.

Brown tregoi se pas mbylljes së serialit kontaktoi pothuajse të gjithë kolegët e saj të kastit për t’u siguruar se marrëdhënia mes tyre do të vazhdonte edhe jashtë ekranit.

“Ata ndoshta menduan se isha e çmendur. I telefonoja dhe i pyesja: ‘Ne do të vazhdojmë të jemi miq, apo jo? Nuk do të ndaloni së foluri me mua?’”, kujtoi ajo me humor.

Aktorja shtoi se u kërkoi falje kolegëve për çdo keqkuptim të mundshëm gjatë viteve të punës së përbashkët dhe u kujtoi se ata ishin bërë si familja e saj.

“U thashë: ‘Kanë kaluar 10 vite dhe dua që të mbetemi miq. Ju jeni si vëllezërit dhe motrat e mia’,” tregoi Brown.

Aktorja uajti personazhin e Eleven për më shumë se një dekadë, duke u rritur praktikisht para kamerave. Sipas saj, largimi nga seriali ishte si t’i jepte fund një pjese të rëndësishme të jetës së saj.

“Do të më mungojë Eleven më shumë se çdo gjë tjetër,” tha ajo.

Pas suksesit të “Stranger Things”, Millie Bobby Brown do të rikthehet në ekran me filmin e ri “Enola Holmes 3”, ku do të interpretojë sërish detektiven e re Enola Holmes.