Rama-Bashës: Po bëhesh gati për humbjen fitimtare të radhës

Departamenti Antishpifje në Partinë Socialiste ka konstatuar 23 shkaqe për padi për shpifje ndaj kreut të opozitës PD, Lulzim Basha, gjatë konferencës për shtyp që mbajti sot në selinë e PD.

Kryeministri Edi Rama ka reaguar duke theksuar se “Bashën e kanë zënë të prerat nga zgjedhjet që po vijnë e po bën gati terrenin e humbjes fitimtare të radhës”.

“Artist, jam i impresionuar! Departamenti Antishpifje paska konstatuar sot shkaqe për 23 padi ndaj teje. Konferencë shtypi me diare intensive më thonë. E di xhan e di, të kanë zënë të prerat nga zgjedhjet që po vijnë e po bën gati terrenin e humbjes fitimtare të radhës. Mbahu fort”, shkruan Rama.