Raportimi te ‘Ligjet’/ Deputeti i PS e pyet për ’21 Janarin’, ja si përgjigjet kreu i SPAK

Drejtuesi i SPAK-ut, Klodjan Braho, është pyetur gjatë Komisionit për Çështjet Ligjore dhe Administratën Civile edhe për çështjen e ’21 Janarit’.

Pas pyetjes së deputetit socialist Ermal Pacaj, Braho është shprehur se kjo është një çështje e ndjeshme, duke sqaruar se ajo është ende nën hetim dhe se nuk mund të japë komente të mëtejshme.

“Është një çështje konkrete dhe e ndjeshme. Është një çështje nën hetim dhe hetimet vazhdojnë. Nuk kam koment tjetër për këtë çështje.

Unë e kuptoj edhe pjesën e përfaqësuesve ligjorë apo trashëgimtarëve. E kuptoj ndjeshmërinë e rastit. Nuk e zgjidhim dot këtu këtë çështje.

Nëse palët kanë pretendime, duhet t’i drejtohen Prokurorisë së Posaçme dhe të marrin përgjigje, siç e parashikon Kodi i Procedurës Penale”, u shpreh Braho.