Rekord të ardhurash në buxhetin e shtetit, 240 milionë euro më shumë se vitin e kaluar

Të ardhurat nga tatimet dhe doganat janë rritur rreth 240 milionë euro në fillim të këtij viti. TVSH-ja dhe kontributet shoqërore kanë rezultuar me

Të ardhurat nga tatimet dhe doganat janë rritur rreth 240 milionë euro në fillim të këtij viti. TVSH-ja dhe kontributet shoqërore kanë rezultuar me rritjen më të ndjeshme.

Buxheti i shtetit ka arkëtuar afro 205 miliardë lekë në tre muajt e parë të vitit. Kjo shifër është rreth 24 miliardë lekë ose 240 milionë euro më shumë se në janar-mars 2025.

Të ardhurat e mbledhura nga tatimet u rritën me 7 miliardë lekë, duke u mbledhur në total 78 miliardë lekë.

Në këtë kategori të ardhurash, rritja më e lartë reflektohet te TVSH e arkëtuar, me 25 miliardë lekë ose 19% më shumë se tremujori i vitit 2025. Ky zë lidhet drejtpërdrejt me konsumin, por gjatë kësaj periudhe duket se ka ndikuar edhe rritja e çmimeve.

Nga tatimi mbi fitimin u mblodhën 20 miliardë lekë, ose 13% më shumë se tremujori i vitit 2025.

Edhe të ardhurat nga kontributet shoqërore dhe shëndetësore kanë arkëtuar mbi 4.6 miliardë lekë më shumë se vitin e kaluar, si pasojë e rritjes së pagave dhe formalizimit të shumë bizneseve që kanë rregulluar bilancet e pagave.

Ndërkohë edhe të ardhurat doganore janë 83 milionë lekë më shumë se vitin e kaluar, duke arritur 53 miliardë lekë.

Nga ana tjetër, shpenzimet e përgjithshme publike për periudhën 3-mujore arritën në rreth 156 miliardë lekë, ose 153 milionë euro, me një realizim në masën 93% të planit të periudhës.