Rrëfimi i ish-lojtarit të Borusias: Jetoja në luks, tani kam shpenzuar 4 milionë euro si vullnetar

“Shpejt kursimet e mia do të mbarojnë. Jam vullnetar dhe kam shpenzuar gati 4 milionë euro nga xhepi im”, – ka treguar ish-mbrojtësi i Borusia Dortmund, Neven Subotiç, për “Die Welt”.

Nga një jetë luksi te puna me njerëzit në vështirësi, deri te kriza ekonomike. Gjermani i lindur në ish-Jugosllavi dhe pastaj i rritur në SHBA, ka jetuar disa jetë: “Më parë kisha një shtëpi shumë të madhe me hidromasazh, kisha makina sportive dhe bëja jetë të çmendur, pa reflektuar për paratë. Pastaj, në 2010-ën, pata një ndërgjegjësim dhe pak më vonë lindi shoqata”.

Më tej ish-futbollisti rrëfen: “Kemi arritur të çojmë ujë dhe shërbime sanitare për rreth 439 mijë individë në zonën lindore të Afrikës. E kemi nisur me 76 mijë euro vitin e parë, sot kemi kaluar milionë 5 milionë euro”.

Subotiç tashmë është pranë krizës: “Nuk kam marrë kurrë paga faraonike, prandaj dhe mbështetja ekonomike e kompanive sot është bërë jetësore për të mbuluar kostot, që misioni ynë të vazhdojë”.