Saka: Të gjithë tek Arsenal e dimë se puna për titullin nuk ka mbaruar ende

Sulmuesi anglez Bukayo Saka këmbëngul se tek Arsenal të gjithë e dinë se puna nuk ka mbaruar ende për sa i përket fitimit të titullit në Premier League. Ai premtoi t’i trajtojë dy ndeshjet e fundit të kampionatit si dy finale, në një përpjekje për të siguruar titullin e parë të klubit që nga viti 2004.

Arsenal bëri një hap të rëndësishëm drejt fitimit të kurorës së ligës me një fitore të diskutueshme 1-0 kundër West Ham, me vendasit që iu anulua nga VAR goli i barazimit, në kohën shtesë. Vendimi e mban garën për titull në duart e Arsenal, që dy ndeshjet e fundit do t’i luajë kundër Burnley dhe Crystal Palace.

Një fitore në të dyja ndeshjet do t’i lejonte Arsenal të fitonte duelin me Manchester City, duke karikuar skuadrën para finales së Champions League, kundër PSG më 30 maj. “Duhet të qëndrojmë të përulur”, tha Saka, që u shpreh se fillimisht është titulli në Premier e pastaj finalja e Champions.

“Në dhomën e zhveshjes ndihet vetëm gëzim, emocion, përmbushje, gjithçka që mund të përshkruhet. Jemi të entuziazmuar, por e dimë se puna nuk ka mbaruar. Na kanë mbetur edhe dy finale tani, ndaj duhet ta marrim çdo ndeshje ashtu siç vjen. Tjetra është Burnley dhe pastaj vazhdojmë nga aty”, tha Saka.

“Si lojtar apo si tifoz njerëzit mund të mendojnë se është e lehtë atë që mund të jetë, por nuk është kështu. Për ne është e rëndësishme që të qëndrojmë të bashkuar në këto momente. Duhet të qëndrojmë të fokusuar tek objektivat tanë”, deklaroi Bukayo Saka.