Sekretariati i Etikës përjashton me 30 ditë deputetin Agron Shehaj nga seancat plenare dhe komisionet parlamentare

Sekretariati për Procedurat, Votimet dhe Etikën është mbledhur nën drejtimin e Ulsi Manjas për të shqyrtuar një kërkesë të depozituar nga një grup deputetësh të grupit parlamentar të Partisë Socialiste (PS), e cila synonte marrjen e një mase disiplinore ndaj deputetit Agron Shehaj.

Sipas argumentimit të paraqitur në kërkesën zyrtare, Shehaj akuzohet për cenim të mbarëvajtjes së punimeve në Kuvend:

“Z.Shehaj ka penguar zhvillimin normal të seancës plenare të datës 11 qershor 2026.”

Pas shqyrtimit të rastit dhe rendit të ditës, Sekretariati për Procedurat, Votimet dhe Etikën ka vendosur të pranojë kërkesën e deputetëve të shumicës, duke sanksionuar masën disiplinore maksimale ndaj deputetit.

Në përfundim të mbledhjes, institucioni parlamentar vendosi zyrtarisht:

“Përjashtimin e deputetit Agron Shehaj me 30 ditë kalendarike nga seancat plenare dhe komisionet parlamentare.”