Shkollat në Riad kalojnë në mësim në distancë për një javë pas sulmit vdekjeprurës ndaj aeroportit

Shkollat në Riad do të kalojnë në mësim në distancë për një javë pas sulmit vdekjeprurës të Huthi-t ndaj aeroportit ndërkombëtar King Khalid, sipas udhëzimeve të Ministrisë së Arsimit saudite, siç raporton agjencia AFP përmes transmetimit live të Al Jazeera-s.

Vendimi u mor si masë sigurie pas sulmit të së shtunës, ku një raketë goditi kompleksin e terminaleve të aeroportit, duke lënë 12 të vrarë dhe më shumë se 300 të plagosur, sipas autoriteteve saudite.

Mbyllja e aeroportit dhe frika e sulmeve të reja kanë detyruar autoritetet të marrin masa të jashtëzakonshme edhe në jetën e përditshme të kryeqytetit, ndërsa vendet e huaja, përfshirë SHBA-në, Britaninë, Gjermaninë dhe Kanadanë, u kanë kërkuar qytetarëve të shmangin aeroportin e Riadit.

Sulmi, i treti brenda javës ndaj aeroportit King Khalid, shënon përshkallëzimin më të rëndë të luftës SHBA–Iran në territorin saudit, me Huthi-t e mbështetur nga Teherani që kanë shtuar sulmet ndaj aeroporteve, infrastrukturës ushtarake dhe energjetike të mbretërisë.