Shpërthen presidenti i Napolit: Jemi kukulla në shërbim të UEFA-s dhe FIFA-s

Presidenti i Napolit, Aurelio De Laurentiis, sulmoi institucionet drejtuese të futbollit europian dhe botëror: “Nuk ka një ndryshim nga pikëpamja futbollistike. Ka një ndryshim në aspektin ligjor nga vendi në vend, edhe pse jemi në Europë, si dhe një ndryshim me ligat amerikane, në çdo sport.

Prodhojmë një futboll që nuk menaxhohet nga ne, por nga institucione që pasurohen mbi shpatullat tona dhe të ligave të tjera. Në Itali, ashtu si në Angli, ka një numër klubesh të një niveli, prestigji dhe interesi të caktuar”.

De Laurentiis shtoi: “Edhe në Angli, ku qarkullojnë të ardhura tri herë më të mëdha se tonat, klubet i mbyllin bilancet me humbje prej gjysmë miliardi paundësh. Në Europë të gjithë jemi kukulla në shërbim të UEFA-s dhe FIFA-s, që pasurohen mbi shpatullat tona dhe nuk mund t’i shohim dot as bilancet e tyre”.