Slot: Ky sezon ishte si një transzicion për ne, e ardhmja e Liverpool duket e mirë

Liverpool nuk ka shkëlqyer shumë këtë sezon në Premier League edhe pse ka arritur të ndërtojë një ekip me emra të mëdhenj, si Alexander Isak dhe Florian Wirtz, që erdhën në “Anfield” verën e kaluar.

Trajneri Arne Slot është ende nën presion për të mbajtur punën e tij, pasi performanca e tyre ka qenë e dobët. “Reds” kanë ende shumë punë për të bërë për të siguruar një vend në pesë të parët në Premier League për të luajtur në Champions League sezonin e ardhshëm.

Për këtë çështje, Slot tha: “Është thënë shumë se klubi është në një tranzicion. Klubi ka shitur 8-10 lojtarë për të fituar parà dhe për të nënshkruar pesë ose më shumë lojtarë shumë të talentuar. Ne duhet të shesim për të blerë”.

“Po humbasim disa lojtarë me transferime të lira si Mo Salah dhe Andy Robertson. Është një sfidë e madhe në verë, por klubi ka treguar se ky model funksionon. Siç e thashë shumë herë, e ardhmja duket shumë e mirë, veçanërisht nëse mund të nënshkruajmë lojtarë pasi lojtarë të mirë largohen këtë verë“, tha Slot.