Sulmuesi drejt largimit nga Arsenal, destinacioni i ri mund të jetë Barcelona

Gabriel Martinelli nuk ka pasur një sezon të mirë me Arsenalin dhe tashmë po luan një rol dytësor te londinezët. Duke qenë në këtë situatë, sulmuesi brazilian nuk e përjashton mundësinë e largimit gjatë verës, edhe pse është nën kontratë deri në vitin 2027.

Sports Illustrated zbulon se anësori brazilian është nën radarin e Barcelonës. Në rast se Barcelona vendos të mos ushtrojë të drejtën e blerjes së Marcus Rashford, atëherë Gabriel Martinelli mund të jetë përforcimi i ri i katalanasve në sulm.

Aktualisht Martinelli është i fokusuar te dy javët e fundit të Premier League dhe sigurisht të finalja e madhe e Champions League. Braziliani do të vendosë për të ardhmen e tij para fillimit të Kupës së Botës.

Vlera në treg e Martinellit sipas Transfermarkt është 45 milionë euro, por duke parë formën e tij këtë sezon Arsenal do të kënaqej me më pak.