Telashe për trajnerin Ancelotti, mesfushori titullar dëmtohet dhe rrezikon të mungojë ndaj Norvegjisë

Mesfushori brazilian Lucas Paqueta ka pësuar një dëmtim muskulor në kofshën e majtë dhe është në dyshim për raundin e 16-tave të Kupës së Botës. Dëmtimi është konfirmuar nga Federata Braziliane e Futbollit (CBF).

Lojtari i Flamengo, i cili luajti si titullar në mesfushë së bashku me Casemiro dhe Bruno Guimaraes kundër Japonisë, nuk u kthye në fushë pas pushimit, i zëvendësuar nga Endrick.

Paqueta iu nënshtrua një skanimi MRI që konfirmoi dëmtimin, por CBF nuk specifikoi kohëzgjatjen e mungesës së tij. Gjithsesi, ai është në dyshim për ndeshjen e raundit të 16-tave të Selecao të dielën e ardhshme në New Jersey, kundër Norvegjisë.

Vetëm lojtarët që nuk luajtën kundër Japonisë morën pjesë në seancën stërvitore të djeshme në Morristown. Neymar ishte figura më e dukshme midis grupit që mori pjesë në seancën stërvitore.

Të tjerët, përfshirë Endrick dhe Martinelli, të cilët shënuan një gol në minutat e fundit të ndeshjes, kryen ushtrime rikuperimi brenda qendrës stërvitore për të rikuperuar lodhjen fizike të ndeshjes kundrë Japonisë.