Tensionet gjatë marshimit të opozitës, shoqërohen 3 persona nga policia

Tre persona janë shoqëruar nga policia pas tensioneve të regjistruara këtë të premte gjatë marshimit të opozitës. Gjatë marshimit pati disa episode tensionesh.

Gjithçka nisi kur startoi marshimi drejt Ministrisë së Brendshme. Destinacioni i marshimit nuk u arrit pasi policia krijoi një kordon duke ndaluar protestuesit të cilët bënë thirrje që të vijojnë planet e tyre siç ishte njoftuar.

Kjo solli përplasje dhe hedhje molovi dhe fishekzjarresh nga protestuesit drejt policisë. Policia disa herë u përgjigj me gazlotsjellës dhe ujë.

Gjithashtu pati përplasje pasi protestuesit tentuan të çanin kordonin por pa sukses. Pak para përfundimit të orarit zyrtar të njoftuar të marshimit, protestuesit u nisën drejt selisë së PD.