Tiranë- Shembet godina 5-katëshe tek Ekonomiku

Është shembur me shpërthim të telekomanduar pallati pesë katësh, i cili prej gjashtë vitesh ndërtohej në oborrin e Fakultetit Ekonomik në Tiranë.

Ndërtesa u rrethua sot nga Inspektoriati Kombëtar i Mbrojtjes së Territorit, ndërsa për shembjen e tij u hapën mbi 300 vrima në të gjitha kolonat mbajtëse ku ishte vendosur lëndë eksplozive.

Objekti në fjalë është dëmshpërblyer dhe prishja e tij bëhet për interes public, megjithatë administrator i ndërtesës Pavlin Kalusha pretendon se nuk i është komunikuar vendimi për dëmshpërblimin. 

Ky është objekti i dytë që prishet në harkuan kohor të 1 viti në zonën përreth fakultetit Ekonomik, teksa një vit më parë ka pasur protesta dhe nga studentët e fakultetit si dhe administrata për prishjen e pallatit pasi sipas tyre pengonte ecurinë normale të fakultetit./a.g