Trump: Aaron Lucas do të zëvendësojë Tulsi Gabbard si kreu i Inteligjencës Kombëtare

Presidenti i SHBA-së, Donald Trump, tha sot se në vend të drejtoreshës së Shërbimit Kombëtar të Inteligjencës, Tulsi Gabbard, e cila dha dorëheqjen, zëvendësi i saj, Aaron Lucas, do të ushtrojë detyrën në atë pozicion nga 30 qershori.

“Me keqardhje, pas një pune të bërë mirë, Tulsi Gabbard do të largohet nga administrata më 30 qershor. Burri i saj i mrekullueshëm, Abraham, u diagnostikua së fundmi me një formë të rrallë të kancerit të kockave dhe ajo me të drejtë dëshiron të jetë pranë tij, për ta kujdesur atë për t’u rikthyer në shëndet të mirë ndërsa ata luftojnë një betejë të vështirë së bashku tani. Nuk kam dyshim se ai së shpejti do të jetë më mirë se kurrë. Tulsi ka bërë një punë të mrekullueshme dhe do të na mungojë”, tha Trump në një postim në platformën e tij Truth Social.

Më herët sot, gjatë një takimi në Zyrën Ovale, Gabbard e informoi Trumpin për qëllimin e saj për të dhënë dorëheqjen. Dorëheqja e saj hyn në fuqi më 30 qershor.

Në letrën e saj të dorëheqjes, Gabbard i tha Trump se ishte “thellësisht mirënjohëse për besimin që ai i ka dhënë asaj dhe për mundësinë për të udhëhequr Zyrën e Drejtorit të Inteligjencës Kombëtare për një vit e gjysmë të kaluar”.

Ajo përmendi faktin se burri i saj u diagnostikua së fundmi me një formë të rrallë të kancerit të kockave si arsye për dorëheqjen e saj.