Trump: Do të takohem me Xi Jinping në nëntor në Kinë dhe në dhjetor në G20-n në Florida

WASHINGTON — Presidenti amerikan Donald Trump njoftoi të premten se do të takohet sërish me presidentin kinez Xi Jinping në muajt nëntor dhe dhjetor, duke mbyllur vizitën treditore shtetërore të liderit kinez në Uashington.

Takimi i nëntorit do të zhvillohet në Kinë, në Shenzhen, në kuadër të samitit të APEC-it, ku Xi e ka ftuar Trumpin dhe bashkëshorten e tij, Melanian. Në dhjetor, dy liderët do të takohen në Florida, në samitin e G20-s që do të mbahet në Trump National Doral në Miami.

Trump tha se vizita e Xi-së ishte një sukses dhe se “u arrit shumë” gjatë takimeve. “Gjëra të mëdha do të ndodhin,” shkroi ai më vonë në Truth Social, duke e cilësuar takimin si “shumë produktiv”.

Të premten në mëngjes, Xi u prit për çaj në Shtëpinë e Bardhë nga Trump dhe Melania. Më pas dy liderët vizituan Arkivat Kombëtare, ku panë dokumente historike si Deklaratën e Pavarësisë dhe Kushtetutën. Aty Xi tha se pret të takojë Trumpin edhe dy herë të tjera këtë vit.

Burimi: Reuters