Ushtarët amerikanë aterojnë me dy Black Hawk në fabrikën Frutex

Sot, kompania Frutex pati disa mysafirë të veçantë. Ajo priti 25 ushtarë të aviacionit amerikan në kuadër të KFOR-it.

Edhe më të veçantë këtë vizitë e bëri mënyra e arritjes së tyre: ushtarët ateruan në ambientet e kompanisë me dy helikopterë të tipit Black Hawk.

Gjatë vizitës, ata patën mundësinë të shohin nga afër procesin e prodhimit dhe të njihen me zhvillimin dhe arritjet e kompanisë Frutex, e cila është njëra ndër kompanitë më të mëdha eksportuese në Kosovë, me brendet Golden Eagle, Natural 100% dhe Relax.

Pas vizitës në fabrikë, u organizua një drekë e përbashkët mes drejtuesve të kompanisë dhe ushtarëve, të cilët tash e disa vite shërbejnë në një mision të veçantë në Kosovë.

Gjatë qëndrimit, ata vizituan edhe ambientet e ndërtuara nga familja Palushi, të dedikuara për ruajtjen dhe kujtimin e historisë dhe sakrificës së popullit të Kosovës.