VIDEO/ U kap me 3 armë zjarri në makinë, momenti kur arrestohet 48 vjeçari në Tiranë

Policia e Tiranës ka goditur një tjetër rast të tentativës për shitje të armëve të zjarrit ku gjatë operacionit të koduar “Barriera”, shërbimet e

Policia e Tiranës ka goditur një tjetër rast të tentativës për shitje të armëve të zjarrit ku gjatë operacionit të koduar “Barriera”, shërbimet e Komisariatit të Policisë Nr. 4 arrestuan në flagrancë në rrugën “Myslym Keta”, në Tufinë, shtetasin L. M., 48 vjeç, banues në Tiranë, teksa lëvizte me disa armë në automjetin e tij.

Nga kontrollet në automjet u gjetën dhe u sekuestruan 3 armë zjarri (2 pistoleta dhe 1 armë taktike luftarake), që dyshohet se ky shtetas i posedonte me qëllim shitjen në zonat “Fresku” dhe “Tufinë”, si dhe 3 krehra me municion.

Në cilësinë e provës materiale u sekuestruan armët e zjarrit, municioni, automjeti dhe celulari i shtetasit L. M.

Në drejtimin e Prokurorisë vijojnë hetimet për të identifikuar shtetas të tjerë të përfshirë në këtë rast, ndërsa materialet procedurale iu referuan Prokurorisë së Tiranës për veprime të mëtejshme.