West Ham i detyruar të shesë nëse bie, Man.Utd, Liverpool dhe Chelsea ndjekin yllin e mesfushës angleze

Ekipet elitare të Premier League, Chelsea, Liverpool dhe Manchester United, janë të gjithë të interesuar për Jarrod Bowen. Mesfushori 29-vjeçar anglez, që luan edhe me kombëtaren e “3 luanëve”, po shkëlqen në Premier League me West Ham.

Këto klube, por edhe disa të tjerë, po monitorojnë situatën financiare të West Ham, që rrezikon të bjerë nga kategoria dhe do të jetë i detyruar të shesë yjet e tij.

Në rast se kjo gjë ndodh, West Ham duhet të mbledhë më shumë se 100 milionë euro dhe Bowen është lojtari që ka më shumë kërkesa. Ai ka regjistruar 8 gola dhe 13 asiste këtë sezon.

Skuadra e Liverpool duket se për momentin është në “pole” për lojtarin, por edhe Manchester United po këmbëngul. “Djajtë e kuq” e vlerësojnë shkathtësinë e tij në vijën e sulmit.

Ndërsa Chelsea është gati t’i ofrojë një fanellë titullari, por fillimisht duhet dhënë OK nga trajneri i ri Xabi Alonso. Bowen mund të ofrojë konkurrencë në krahun e djathtë dhe në vijën e sulmit.