Zbardhen propozimet e kryetarit të kuvendit, Niko Peleshi për ndryshimin e rregullores së Kuvendit

Kryetari i Kuvendit, Niko Peleshi ka propozuar një sërë ndryshimesh në rregulloren e Kuvendit që ka të bëjë me njoftimin e seancave plenare, miratimin e ligjeve për anëtarësimin në BE apo edhe afatet e thirrjes në komisionet parlamentare të anëtarëve të Qeverisë.

Në nenin 28 të rregullores thuhet se megjithëse si rregull Kuvendi nuk mund të shqyrtojë më shumë se 3 projektligje me procedurë të përshpejtuar në 9 javë punime, nga ky rregull përjashtohen ligjet që kanë të bëjnë me negociatatat e anëtarësimit në BE.

Në fund të pikës 5 shtohen fjalët “me përjashtim të projektligjeve që synojnë përafrimin e legjislacionit, marrëveshjet që lidhen me zbatimin e Marrëveshjes së Stabilizim-Asociimit dhe/ose detyrimeve që dalin nga procesi i negociatave të anëtarësimit, kur shqyrtimi i tyre është i nevojshëm për respektimin e afateve që rrjedhin nga procesi i negociatave për anëtarësim në Bashkimin Evropian.”.

Një tjetër propozim ka të bëjë me ndryshimin e rendit të ditës për seancat plenare. Aktualisht për të vendosur ose për të diskutuar në seancë çështje që nuk janë në rendin e ditës duhet miratimi nga 3/5 e deputetëve të pranishëm. Me ndryshimet e propozuara, do të kërkohet vetëm gjysma e deputetëve të pranishëm.

Ndërkaq, seancat dëgjimore në komisionet parlamentare do të zhvillohen brenda 5 ditëve nga momenti i paraqitjes së kërkesës.

Dokumenti i plotë: