Zgjedhjet lokale më 17 tetor: Vuçiq del me thirrje për serbët që jetojnë në Kosovë

Presidenti i Serbisë, Aleksander Vucic, në një konferencë për media pas një mbledhje që ka pasur me zyrtarë të partisë së tij ka folur edhe për zgjedhjet lokale që do të mbahen më 17 tetor në Republikën e Kosovës, shkruan Express.

Vuçiq ka bërë thirrje që serbët të cilët jetojnë në Kosovë të dalin masivisht në zgjedhje dhe të votojnë.

“Serbët duhet të jenë të bashkuar, të shkojnë në votime sa më shumë të jetë e mundur dhe të luftojnë për të drejtat e tyre, ata vetë, për vendin e tyre, që të përfaqësohen institucionalisht, kur është e nevojshme, të jenë në gjendje të reagojnë në institucione në mënyra të ndryshme”, ka thënë Vuçiq.