Zyrtari i lartë iranian: SHBA ndjek “qasje barbare”, Rusia dhe Irani veprojnë si fuqi të civilizuara

Zëvendëskryetari i Këshillit Suprem të Sigurisë Kombëtare të Iranit, Ali Bagheri, ka kritikuar ashpër Shtetet e Bashkuara, duke i akuzuar se ndjekin një “qasje barbare” të bazuar në “paqen përmes forcës”.

Duke folur për gazetarët në margjinat e Forumit Ndërkombëtar të Sigurisë, të organizuar nën patronazhin e Këshillit të Sigurisë Ruse, Bagheri tha se Irani dhe Rusia veprojnë si “fuqi të civilizuara” që mbështeten në dialog, bashkëpunim dhe diplomaci për zgjidhjen e çështjeve ndërkombëtare.

Sipas tij, shtetet sovrane duhet të bashkëpunojnë mbi bazën e drejtësisë dhe dialogut, ndërsa kritikon qasjen amerikane si një model që, sipas tij, nxit konfliktin dhe dhunën.

“Paqja përmes forcës do të thotë paqe përmes krimeve dhe mizorisë. Kjo nuk është qasje e shteteve të civilizuara”, u shpreh Bagheri, duke shtuar se Irani dhe Rusia kanë zgjedhur rrugën e diplomacisë dhe bashkëpunimit në vend të përdorimit të forcës.