68-vjetori i krijimit të Teatrit të Estradës Profesioniste të Shkodrës

Më 3 korrik të vitit 1958 u përurua Teatri i Estradës Profesioniste të Shkodrës.

Hapat e parë të estradës në Shkodër datojnë në vitin 1954, kur regjisori Skanjeti vuri në skenë numra si “Estrada në penxhere” dhe “U çua njeri e tha”.

Trupa profesioniste dha premierën e parë më 14 nëntor 1958 me shfaqjen “Në pavionin e operacionit të zemrës”, me regjisor të parë Paulin Sekuj, drejtim muzikor nga Mark Kaftalli dhe skenografi nga Lec Fishta.

Në vitin 1969, në Festivalin e Parë të Estradave në Shqipëri, Estrada e Shkodër u vlerësua me vendin e parë.

Gjatë dekadave, kjo trupë realizoi mbi 230 premiera për të rritur dhe fëmijë, duke u bërë një nga qendrat më të rëndësishme të humorit shqiptar. Repertori përfshinte pjesë të njohura si “Familja Bush”, “Fotografi”, “Kostandini dhe Doruntina”, “Beqoja në spital”, “Testamenti”, “Tri karriket”, “Lulashi” dhe “Tuçi dhe Lokja”.

Në Estradës Profesioniste të Shkodrës kanë kontribuar shumë figura të njohura të humorit shqiptar si Tano Banushi, Zylha Miloti, Paulin Preka, Hasan Smaja, Ndoc Sheldija, Drita Tahiri, Gjosho Vasija, Katrina Biga, Zef Deda, Gëzim Kruja, Sandër Ruçi, Jolanda Shala, Drande Xhaj, Besnik Çinari, Edmond Halili dhe Anton Krosaj. Në drejtimin artistik spikasin regjisorët Paulin Sekuj dhe Edmond Mëhilli, karikaturisti Tefë Palushi ndërsa në muzikë dhe organizim kanë kontribuar Mark Kaftalli, Luan Barova, Nazmi Lishi dhe Ilir Zoga.