Abazoviq: Ndikimet malinje nuk vijnë vetëm nga Rusia

Kryeministri i Malit të Zi, Dr. Dritan Abazoviq, ka thirrur për sot në orën 10.30  mbledhjen e Këshillit të Sigurisë Kombëtare. Në rend të ditës ishte analiza e aktiviteteve të Agjencisë së Sigurisë Kombëtare për të shtypur ndikimet malinje ruse dhe të tjera në Mal të Zi, si dhe  caktimin e koordinatorit të Byrosë për koordinim operativ. Në përputhje me nenin 6 të Rregullores së Këshillit për Siguri Kombëtare, në seancën ishte i ftuar të marrë pjesë edhe drejtori i Drejtorisë së Policisë, Zoran Brđanin.

Abazoviq, duke folur për epilogun e rastit të kaluar të spiunazhit dhe nëse menaxhmenti i ri i Agjencisë për Siguri Kombëtare (ANB) ka marrë njohuri të reja për ndikimet e huaja, ka konfirmuar informacionet e mëparshme se janë marrë masa ndaj 28 personave. Ai sqaroi, pas mbledhjes se disa personave nga ajo listë i është ndaluar hyrja në Mal të Zi dhe disa janë shpallur persona të padëshiruar.

“Disa veprime janë duke vazhduar dhe janë kryer me shërbimet partnere, mendoj se do të kemi informata më konkrete në periudhën e ardhshme”, tha Abazoviq para gazetarëve para Qeverisë. “Nuk do të lejojmë askënd të abuzojë me asnjë institucion të sistemit për qëllime politike. ASK dhe i gjithë sektori i sigurisë mbeten një partner i besueshëm i komunitetit ndërkombëtar,” tha Abazoviq duke theksuar se ndikimet ruse nuk janë vetëm ruse por ka edhe të tjera.