Aksidentohet eskorta e Ramës, plagosen dy persona në rrugën Pogradec-Korçë

Një aksident i rëndë ka ndodhur mesditën e sotme në hyrje të Korçës, ku tre automjete janë përplasur mes tyre, dy prej të cilave makina shoqëruese të Ministrisë së Brendshme, pjesë e eskortës së Kryeministrise.

Mësohet se si pasojë e aksidentit kanë mbetur të plagosur dy persona, të cilët u dërguan me urgjencë për në spital nga ku konfirmohet se ndodhen jashtë rrezikut për jetën.

Më e rënduar është gjendja e shtetasit Gj. Agalliut.

Mësohet se makina me targa të Ministrisë së Brendshme, tip Hyundai për shkak të lagështirës në rrugë, ka rrëshqitur dhe është përplasur me një automjet tip “Golf”.