Anis Mehmeti reagon pasi u la jashtë listës së Kombëtares

Sulmuesi kuqezi Anis Mehmeti ka reaguar pas lajmeve se u la jashtë listës së Kombëtares, raporton Top Channel.

Mehmeti thotë se dëshiron të sqarojë disa gjëra, pasi janë bërë pretendime se ai ka fshirë postimet e tij me fanellën kuqezi për shkak se nuk u grumbullua. Sipas tij, këto pretendime janë krejtësisht të pavërteta.

Ai thekson se të përfaqësosh Shqipërinë është krenari për të, se është plotësisht i përkushtuar ndaj ngjyrave kuqezi dhe se është gati sa herë t’i jepet mundësia për t’u kthyer.