Arriti në Prishtinë mbreti i Jordanisë, Abdullah II Ibn Al Hussein

Mbreti i Mbretërisë Hashemite të Jordanisë, Abdullah II Ibn Al Hussein, dhe një delegacion mbretëror jordanez po qëndrojnë sot për vizitë zyrtare në Kosovë, me ftesë të presidentes Atifete Jahjaga.

Presidentja e Kosovës, Atifete Jahjaga, nën përcjelljen e Gardës Ceremoniale të FSK-së, kanë pritur në sheshin “Ibrahim Rugova” mbretin dhe suitën e tij.

Pas një takimi të shkurtër, që do të kenë ata, do t’i drejtohen mediave në një konferencë.

Pas takimit në zyrën e Presidentes, mbreti Abdullah II në orën 13:50 do të takohet me kryeministrin e Republikës së Kosovës, Isa Mustafa, në ndërtesën e Qeverisë.