Atletet e kryeministrit marrin vëmendje në Samit, “The Guardian”: Një tjetër moment nga “moda e NATO-s

Dita e dytë e samitit të Ankarasë nisi me pritjet zyrtare të krerëve të shteteve anëtare të Aleancës, të cilët bënë edhe fotot e rastit në krah të Sekretarit të Përgjithshëm të NATO-s dhe Presidentit të Turqisë.

The Guardian ka publikuar disa nga fotografitë pikante të kësaj ceremonie, ku në qendër të vëmendjes ka vendosur atletet e bardha të kryeministrit Edi Rama, që ka zgjedhur të thyejë kodin e ngurtë të veshjes zyrtare me stilin e tij tashmë “karakteristik”.

“Në një tjetër moment nga “moda e NATO-s”, kryeministri i Shqipërisë, Edi Rama, u shfaq me atletet e tij karakteristike, ngjyrë të bardhë”, shkruan The Guardian, duke e rreshtuar Ramën si një nga thyesit më të mëdhenj të tabuve të modës në diplomacinë botërore.