Basha për shpërthimin në Ballsh: Privatizimi i ARMO-s, klientelist – Rama në ekspozita pikture
Pasi vizitoi 4 të djegurit nga shpërthimi i djeshëm në rafinerinë e naftës në Ballsh, kryetari i PD-së, Lulzim Basha, tha se privatizimi i kompanisë ARMO është bërë në mënyrë klienteliste.
Basha shtoi se vendi po kalon një gjendje të rëndë ndërsa kryeministri e braktis atë për të hapur ekspozita luksoze në botë.
“Dje ndodhesha në Mallakastër disa orë para shpërthimit, siguria në punë ishte tema e diskutimit. I siguroj se PD dhe unë do ta ndjekim këtë çështje deri në fund.
Kemi ngritur dyshimet tona për mënyrën jo transparente të këtij privatizimi klientelist të Armos, ku shkojnë këto përfitime?! Kemi dyshimet tona sa i përket shfrytëzimit pa kriter të krahut të punës.
Prej dy javësh kemi përgatitur kërkesën për ngritjen e një komisioni hetimor për punën e naftëtarëve.
Vendi po kalon një gjendje të keqe ndërsa kryeministri e ka braktisur detyrën”, tha ai.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.