Berisha përgjigjet nëse e kanë thirrur në Këshillin e Sigurisë dhe prezantimin e Ambasadorit të SHBA më 2 Tetor

Kreu i Partisë Demokratike, Sali Berisha në një bashkëbisedim me ndjekësit e tij në mediat sociale ka folur edhe lidhur me ceremoninë e prezantimit të ambasadorit të ri të SHBA-ve, Eric Wendt. I pyetur nga qytetarët nëse ai është i ftuar në këtë event, Berisha u shpreh se nuk është në dijeni të kësaj ceremonie prezantimi e cila do të zhvillohet me 2 tetor.

“I uroj mirëseardhjen ambasadorit, nuk kam dijeni për ceremoninë”, tha ai.

Berisha gjithashtu u pyet edhe lidhur me mbledhjen që do të mbahet këtë të hënë ku presidenti Bajram Begaj ka thirrur mbledhjen e Këshillit të Sigurisë Kombëtare, lidhur me rastin e ish-kreut të SHISH-it, Vlora Hyseni. Berisha edhe lidhur me këtë pyetje u përgjigj shkurtimisht se nuk ka marrë ftesë.

“Nuk kam marrë asnjë ftesë”, tha ai.