Bllokimi i Petrolifera, Bankers Petroleum fillon reduktimin e prodhimit

Bllokimi i terminalit të naftës së Petrolifera, pas ndotjes së shkaktuar nga një anije ka bërë që kompania më e madhe eksportuese në vend, Bankers Petroleum të ndërpresë eksportet prej një jave.

Sipas një njoftimi të Bankers Petroleum, pezullimi i terminalit të eksportit ka çuar në një mungesë depozitimi të naftës së papërpunuar në Port, por gjithashtu dhe në fushën e Patos Marinzës. Për këtë arsye, njofton kompania, ka filluar reduktimin e prodhimit që në datën 31 maj, çka mund të çojë në një mbyllje të fushës në ditët e ardhshme, si pasojë e pamundësisë për të eksportuar naftë të papërpunuar.

Kompania pret që pezullimi i Petrolifera të hiqet ditët e ardhshme.