Botërori 2026 historik për ekipet afrikane, mundin Europën për numër skuadrash të kualifikuara

Nëntë prej dhjetë formacioneve që përfaqësojnë kontinentin afrikan kanë mundur që të kalojnë për më tej. Tunizia ishte përfaqësuesja e vetme, e cila nuk mundi të kalonte në fazën me eliminim direkt.

Për futbollin afrikan ky nuk është vetëm një rekord absolut, por mund të konsiderohet edhe një sencacion. Më parë nuk kishte nodhur kurrë që të kalonin në fazën me eliminim më shumë se dy skuadra afrikane.

Këto përfundime nuk humbin vlerë edhe nëse konsiderojmë faktin se në Botërorin 2026 për herë të parë Afrika përfaqësohej prej dhjetë ekipesh. Zakonisht në fazën e grupeve të një Botërori janë kualifikuar pesë skuadra ndërsa në 2010-ën ky numër ishte gjashtë pasi u mbajt në Afrikën e Jugut.

Nëse e krahasojmë me futbollin europian ky i këtij sezoni mund të konsiderohet një sukses për Afrikën pasi skuadrat e saj kanë patur një përqindje suksesi të lartë, 90% ndërsa euripianet në këtë aspekt janë më keq, 81.25%, pasi për në fazën me eleminim direkt kanë kaluar 13 prej 16 skuadrave që morën pjesë në turne. Niveli i futbollit afrikan është rritur ndjeshëm pasi në këtë sukses nuk kishin gisht përfaqësuese si Nigeria apo edhe Kameruni, të cilat gjithmonë janë paraqitur mirë. Këtë edicion Kepi i Gjelbër apo Republika Demokratike e Kongos kanë treguar me lojën e tyre se niveli i futbollit në Afrikë është rritur në përgjithësi. A.V.