Casemiro: Manchester United është një nga tre klubet më të mira në botë

Casemiro përsëriti dashurinë e tij për Manchester United ndërsa përgatitet t’i japë fund aventurës së tij në “Old Trafford”, në atë që ai e quan një nga tre klubet më të mira në botë.

34-vjeçari i dha fund periudhës së tij të mbushur me sukses te Real Madrid kur u transferua në Manchester për një shumë fillestare prej 60 milionë eurosh në vitin 2022, duke nënshkruar një marrëveshje katërvjeçare me opsionin e një sezoni tjetër.

Casemiro ka shkëlqyer gjatë ngritjes së United në vendin e tretë nën drejtimin e Michael Carrick. “Djajtë e Kuq” ranë dakord me kërkesën e mesfushorit për të njoftuar një largim që deri më tani ka rezultuar një festë lamtumire e këndshme.

“Është shumë e veçantë sepse për mua është skuadra më e mirë në Angli dhe tre më e mira në botë. kam luajtur një kohë të gjatë në Madrid dhe tani kam luajtur katër vjet këtu“, tha Casemiro për mediat.

“Është shumë e veçantë për shkak të stadiumit, klubit, njerëzve që takoj çdo ditë. Ndaj, jam shumë i lumtur që jam këtu dhe për mua është shumë e veçantë të luaj këtu sepse është skuadra më e mirë në Angli”, shtoi braziliani.

Casemiro ka shënuar një shifër mbresëlënëse prej 25 golash në 157 paraqitje për United, për të cilin do të ketë mundësinë të luajë vetëm pesë herë të tjera para se të largohet nga klubi. “Për mua, Manchester është i kuq. Më e rëndësishmja është logoja, ajo është shumë e veçantë. Skuadra më e mirë në Angli”, deklaroi Casemiro.