Daçiç: Serbia, vullnet politik për të qetësuar tensionet me Shqipërinë

Ministri i Jashtëm i Serbisë, Ivica Daçiç ka folur pas shtyrjes së vizitës së kryeministrit Rama në Serbi. Në një interivstë për B92 Daçiç ka deklaruar se ky ishte një vendim për shtyrje dhe jo anulim. Sipas tij tensionet pas ndeshjes Serbi-Shqipëri duhet të qetësohen.

“Kjo situatë duhet të tejkalohet, dhe për këtë duhet të ketë vullnet politik. Serbia e ka vullnetin politik për të kaluar këtë situatë.”

Sipas Daçiç, duhet të përcaktohet si dhe pse ka ndodhur incidenti dhe sesi u shfaq ai dron që mbante një flamur ku shkruhej “Shqipëria e Madhe”

“Çdo gjë që ka ndodhur gjatë lojës nuk ishte e mirë, sepse ai dron nxiti tensionet, kjo ka një ndikim negativ për stabilitetin dhe marrëdhëniet në rajon”, tha Daçiç.