Deklaratat e E.Tahirit për Cakajn, Rama: Çfarë llumi e mllefi

Kryeministri Edi Rama ka reaguar pas deklaratës së ish ministres së jashtme të Kosovës,  Edita Tahiri e cila ka përshëndetur vendimin e presidentit Ilir Meta për të mos dekretuar si ministër të jashtëm Gent Cakajn.  Ajo e quajti vizionar dhe kombëtar vendimin e Metës.

Përmes një postimi në Twitter, Rama thotë se edhe Edita Tahiri, bashkohet me ca qyqarë që salutojnë vendimin e Ilir Metës.

“Ah edhe Edita Tahiri, bashkuar me ca qyqarë që salutojnë vendimin e vizionarit IM! Ah çfarë llumi mllefi e terri që “vizionarët”e kësaj kategorie e jashtëqesin si lumë dashurie për kombin! Genti e dashur Edita i meriton sulmet tuaja aq sa këta “vizionarë” emrin njeri! Po ti xhan?”- thotë Rama.