Dëmet e reshjeve në rrugët e parcelave – Bashkia Maliq akordon fondin për riparimin e akseve

Njësitë më të prekura nga dëmtimi i rrugëve të parcelave janë Vreshtasi, Liboniku dhe Pirgu në të cilat është menduar të punohet intensivisht për riparimin dhe çakullimin e këtyre rrugëve.

“Aktualisht bashkia e Maliqit me situatën e reshjeve ka pasur disa problematika për sa i përket dëmtimit të rrugëve të parcelave si dhe dëmtimet e infrastrukturës së përgjithshme të bashkisë këtë vit ka kaluar një fond i veçantë me të cilin së shpejti do të bëjmë një ndarje të çdo rruge dhe do fillojmë sa më shpejt për përmirësimin e këtyre rrugëve me çakullin”, u shpreh Astrit Zholanji, Drejtor i Ujitje – Kullimit Bashkia Maliq.

Rrugët e parcelave janë mjaft të rëndësishme për fermerët e zonës pasi ata janë të detyruar të qarkullojnë përmes tyre për të arritur në tokat e tyre bujqësore, të kryejnë shërbimet e duhura për të mbjellat, si dhe të nxjerrin në treg prodhimet bujqësore.

Gazetare: K. Koçi

/rtsh.al/

The post Dëmet e reshjeve në rrugët e parcelave – Bashkia Maliq akordon fondin për riparimin e akseve appeared first on RTSH.