Dua Lipa sot në Prishtinë

Artistja shqiptare që ka arritur një sukses të jashtëzakonshëm ndërkombëtar, Dua Lipa, sot do të vijë në Prishtinë. Të ardhurat nga ky koncert do të dedikohen për qëllime humanitare.

Këngëtarja pritet që pasditen e sotme të arrijë ne aeroportin e Prishtinës, ku dhe do të mbajë një konferencë për media, shkruan GazetaExpress.

Në këtë konferencë do të prezantohen detajet e koncertit të saj të parë në Kosovë, i cili pritet të mbahet me 9 gusht në Parkun e Gërmisë.